DDSU Qazaqstanǵa 2,7 mln dollardyń medıtsınalyq qorǵanys quraldaryn jetkizdi

ALMATY. QazAqparat – Dúnıejúzilik densaýlyq saqtaý uıymy qazaqstandyq medıtsına mamandaryna jeke qorǵanys quraldaryn jiberdi, dep habarlaıdy QazAqparat Densaýlyq saqtaý mınıstrliginiń baspasóz qyzmetine silteme jasap.

«Almaty áýejaıyna qazaqstandyq medıtsına mamandary úshin jeke qorǵanys quraldary tıelgen bort kelip qondy. Jetkizilimdi Qazaqstandaǵy DDSU Eldik keńsesi uıymdastyrdy. Júk partııasynda medıtsınalyq mamandarǵa arnalǵan qajetti jeke qorǵanys quraldary bar. Respırator jáne medıtsına maskasy (betperde), betke arnalǵan qorǵanys ekrany men kózildirik, sondaı-aq qorǵaǵysh halattar. 53 tonnadan astam júktiń jalpy baǵasy 2,7 mln AQSh dollary», delingen habarlamada.

«SOVID-19 indetimen kúreste medıtsınalyq qyzmetkerlerdiń basty ról atqarady. Olar ózin jáne emdelýshilerin ınfektsııa juqtyryp alýdan qorǵaýy jáne ınfektsııanyń qorshaǵan ortaǵa taralýyna jol bermeý úshin qajetti qorǵanys quraldarmen qamtamasyz etilýi tıis», - dedi Qazaqstandaǵy DDSU Eldik keńsesiniń basshysy Kerolaın Klarınval.

DDU Qazaqstannyń indetpen kúresýine qoldaý kórsetý úshin tehnıkalyq saraptama jasaýǵa jáne medıtsınalyq júk jetkizýin jalǵastyrady.