DDSU: Gaza sektoryndaǵy densaýlyq saqtaý júıesiniń jaǵdaıy qıyn
Gaza sektoryndaǵy densaýlyq saqtaý júıesiniń jaǵdaıy múshkil. Bul týraly Jenevadaǵy brıfıng kezinde Dúnıejúzilik densaýlyq saqtaý uıymynyń resmı ókili Tarık ıAsharevıch málimdedi, dep habarlaıdy Kazinform reseılik TASS agenttigine silteme jasap.
Sondaı-aq resmı ókil Izraıldi 1,1 mln turǵyndy sektordyń soltústiginen ońtústigine evakýatsııalaý týraly buıryǵyn toqtatýǵa shaqyrdy.
«Gaza sektoryndaǵy densaýlyq saqtaý júıesiniń háli múshkil. Gaza sektory oqshaýlanǵandyqtan otyn, sý men azyq-túlik, sondaı-aq ómir súrýge asa qajet medıtsınalyq jáne gýmanıtarlyq júkterdi jetkizý múmkin bolmaı, gýmanıtarlyq apattyń aldyn alý ýaqyty da azaıyp keledi», - dep atap ótti ıAsharevıch.
«BUU basqa da qurylymdarynyń Izraılge joldaǵan «Gazanyń soltústiginde turatyn 1,1 mln adamdy 24 saǵat ishinde evakýatsııalaý týraly buıryǵyn dereý toqtatý» týraly málimdemesine DDSU da qosylady. Qazirgi áýe soqqylaryn eskerer bolsaq, azamattar tyǵyla alatyn qaýipsiz oryn qalǵan joq» , - dep túsindirdi ol.
Palestına Densaýlyq saqtaý mınıstrligi DDSU-ǵa Gazanyń soltústiginde aýrýhanada jatqan álsiz naýqastardy evakýatsııalaý múmkin emes ekenin jetkizdi. Ol jaqtaǵy 760 naýqasqa arnalǵan eki úlken aýrýhananyń múmkindigi taýsyldy, dedi DDSU resmı ókili.
Sondaı-aq ıAsharevıch Gaza sektoryndaǵy shıelenis bastalǵaly densaýlyq saqtaý júıesiniń 11 qyzmetkeri qaza taýyp, 16-sy jaraqat alǵanyn atap ótti.
Buǵan deıin Izraıl Gaza sektorynyń soltústigindegi turǵyndarǵa aldaǵy 24 saǵat ishinde ketýge buıryq bergenin habarlaǵan bolatynbyz. Bul týraly BUU Bas hatshysynyń baspasóz hatshysy Stefan Dıýjarrık málim etti. Munda shamamen 1,1 mln adam týraly sóz qozǵalyp otyr. Bul - Gaza sektory halqynyń jartysy.
Alaıda BUU mundaı qonys aýdarý gýmanıtarlyq zardapsyz bolmaıdy dep eseptep, buıryqtyń kúshin joıýǵa shaqyrdy.
