DDSU Gaza sektoryna medıtsınalyq qoldaýdy kúsheıtýge daıyn ekenin málimdedi

ASTANA. KAZINFORM – Dúnıejúzilik densaýlyq saqtaý uıymynyń (DDSU) bas dırektory Tedros Adhanom Gebreıesýs medıtsınalyq kómekke muqtaj Gaza sektoryna qoldaýdy kúsheıtýge daıyn ekenin málimdedi, dep jazady Anadoly.

Gebreıesýs X platformasynda Izraıl men HAMAS arasyndaǵy atysty toqtatý týraly kelisimge qol jetkizýge qatysty málimdeme jarııalady.

– Talaı adamnyń ómirin qıdy, tym kóp otbasy zardap shekti. Barlyq tarap qol jetkizilgen kelisimdi qurmettep, uzaq merzimdi beıbitshilik úshin jumys isteıdi dep úmittenemiz, - dedi ol.

Ol Gazadaǵy atysty toqtatý jáne tutqyndardy bosatý týraly kelisim jigerlendiretinin atap ótti. 

– DDSU seriktestermen birlesip qoldaýdy kúsheıtýge daıyn, - dep qosty ol.

Aıta keteıik, Izraıl men HAMAS atysty toqtatý týraly kelisimge keldi.