DDSU: Eboladan opat bolǵandar sany 5 myń adamnan asty
ASTANA. QazAqparat - Álemde Eboladan qaza bolǵandar sany 5 myń adamnan asty. Vırýsty barlyǵy 13 myń 703 adam juqtyrǵan, dep habarlady Dúnıejúzilik densaýlyq saqtaý uıymy bas dırektorynyń kómekshisi Brıýs Eılýord. Ólim-jitim 70 paıyzdy qurady.
Ol vırýsty juqtyrǵandar sanynyń kúrt ósýi jańa jaǵdaılardyń tirkelýimen emes, jańartylǵan málimetterdiń alynýymen baılanysty ekendigin atap ótti.
Onyń sózine qaraǵanda, Lıberııada aýrýdyń taralýy birtindep baıaýlap keledi. Osyǵan deıin DDSU Nıgerııa men Senegalda bezgek epıdemııasynyń toqtaǵanyn málimdegen bolatyn, dep jazady sheteldik BAQ.
