DDSU: Ebola vırýsy qurbandarynyń sany 500-den asty
ASTANA. QazAqparat - Serra-Leone, Lıberııa jáne Gvıneıa aýmaǵynda 3 shildeden beri Ebola indetine shaldyǵýdyń 50 jańa oqıǵasy tirkeldi.
Dúnıejúzilik densaýlyq saqtaý uıymynyń málimetine qaraǵanda, atalǵan dertti juqtyrýdyń jańa oqıǵalarynyń jartysy adamdardyń ólimimen aıaqtaldy. ıAǵnı, indetten kóz jumǵandardyń sany 500-den asyp otyr. Budan buryn bul vırýstan 467 adam qurban bolǵany habarlanǵan edi, dep jazady Rosbalt. Aıta keteıik, Ebola qandy bezgegi 1976 jyly Sýdan men Zaır memleketteriniń aýmaǵynda alǵash ret anyqtalǵan bolatyn. Bul dertke shaldyqqandardyń 90 paıyzy tiri qalmaıtyny belgili. Esterińizge sala keteıik, Ebola vırýsy naýryzdan bastap Gvıneıada belsendi taraǵan edi. Keıinnen onyń oshaǵy kórshiles Serra-Leone men Lıberııada anyqtaldy.
