DDSU: Ebola indeti báseńdedi
ASTANA. QazAqparat - Afrıka elderinde 9 myńdaı adamnyń ómirin qıyp ketken Ebola indeti báseńdedi, dep jazady «Habar» arnasy.
Dúnıejúzilik densaýlyq saqtaý uıymynyń málimeti boıynsha, sońǵy aptada Ebola indetine shaldyqqan 99 adam tirkelgen. Uıymnyń qyzmetkerleri aıtqandaı, bundaı tómen kórsetkish 2014 jyldyń maýsymynan beri alǵash ret tirkelip otyr.
«Ebola indetine tótep berý sharalarynyń ekinshi kezeńi bastaldy. Ekinshi kezeńniń negizgi maqsaty - indettiń taraýyn toqtatýmen qatar múlde tyıyp tastaý», - dep aıtylǵan DDU málimdemesinde. Budan buryn basqa elderge qaraǵanda Ebola indetinen anaǵurlym zardap shekken Lıberııanyń bıligi sońǵy kúnderi resmı túrde indetke shaldyǵýdyń tek 5 oqıǵasy rastalǵanyn málimdegen bolatyn.
