DDSU: Ebola bezgeginen ólim-jitim azaıǵan
ASTANA. QazAqparat - Batys Afrıkanyń úsh eli - Gvıneıa, Lıberııa jáne Serra-Leonede úsh kúnde Ebola vırýsyn juqtyrǵandardyń sany 700-ge jetti. Olardyń jalpy sany 16 myń 899 adam, dep habarlaıdy TASS.
Bul týraly dúısenbi kúni keshke Dúnıejúzilik densaýlyq saqtaý uıymy (DDSU) jarııalaǵan derekterden belgili boldy.
Dertten ólim-jitim, kerisinshe, (5 myń 987 adam) azaıǵan. 28 qarashadaǵy bıýlletende qurbandar sany 6 myń 928 bolǵan edi.
Eń aýyr jaǵdaı Lıberııada - munda aýyr syrqatty juqtyrǵandar sany 7 myń 835 bolsa, kóz jumǵandar 3 myń 145-ke jetken. Odan keıingi orynda Serra-Leone (7 myń 109 juqtyrǵandar jáne 1 myń 530 qaza bolǵandar) jáne Gvıneıa (2 myń 155 juqtyrǵandar jáne1 myń 312 qaza bolǵandar) alady.
DDSU derekterinde Ebola bezgegine qatysty naqty jaǵdaı da, «yqtımal» jaǵdaı da, kúdikti jaǵdaı da nazarǵa alynǵan.
