DDSU delta shtamynyń medqyzmetkerlerdi «jetkizbeı» jatqanyn málim etti

JENEVA. TASS - QazAqparat - SARS-CoV-2 koronavırýsynyń «delta» shtamy «ujymdyq ımmýnıtet» qalyptaspasyp úlgergenshe tez taralyp jatyr. Bul týraly sársenbi kúni Jenevadaǵy brıfıngide Dúnıejúzilik densaýlyq saqtaý uıymynyń bas dırektory Tedros Adanom Gebreıesýs málim etti, dep habarlaıdy QazAqparat TASS-qa silteme jasap.

«Delta» bizdiń ujymdyq ımmýnıtet qalyptasý deńgeıin ozyp bara jatyr. Árbir eldegi vaktsınalaý deńgeıi tómen jáne qoǵamdyq densaýlyq saqtaý salasynda jetkilikti shara qoldanyp otyrmaǵan óńirderde aýrýhanaǵa jatqandar sany men qaıtys bolǵandar deńgeıi joǵary», - dedi ol.

DDSU basshysynyń málimetinshe, «delta» jáne basqa da shtamdardyń máselesin sheshýge bolady. Ol úshin koronavırýsqa testileý aýqymyn arttyrý kerek, aýrýhanalardy ottegimen, dári-dármekpen, vaktsınamen jáne medqyzmetkerlerdi jeke qorǵanys quraldarymen qamtamasyz etý qajet. Sondaı-aq, pandemııaǵa qarsy kúreste jańa ádis tabatyn zertteý aıasyn keńeıtý kerek.

Bas dırektordyń aıtýynsha, qazirgi ýaqytta «vaktsınanyń 75%-y tek 10 elde qoldanylǵan». Al, tabys deńgeıi tómen elderde halyqtyń tek 2%-y ǵana vaktsına ektirgen.

Osyǵan baılanysty DDSU álemdik qaýymdastyqty qyrkúıek aıynyń sońyna deıin aralyq (býster) vaktsınalaýǵa moratorıı belgileýge shaqyrdy. Bul aralyq vaktsına jasaǵanǵa deıin densaýlyǵy osal adamdardy qorǵaýǵa múmkindik beredi, aıasy tar ulttyq maqsatqa umtyla bergenshe, bir-birine táýeldi álemdegi koronavırýs mýtatsııa toqtamaı turǵan kezde ımmýndaýǵa teń qoljetimdilikti qamtamasyz etýge tyrysý kerek, dep túsindirdi Gebreıesýs.