DDSU: Bosaný kezindegi áıelderdiń ólim-jitimi 50 paıyzǵa qysqardy
ASTANA. QazAqparat - Dúnıjúzilik densaýlyq saqtaý uıymynyń sońǵy málimetterine qaraǵanda, 1990 jyldan beri bosaný nemese júktilik kezindegi aýrýlardyń asqynýynan áıelderdiń ólim-jitimi 50 paıyzǵa qysqardy, dep jazady VVS.
Alaıda, DDSU derekterinde álemde ár saǵat saıyn osy sebepterden shamamen 33 áıel kóz jumatyny keltirilgen. Negizinen olar júktilik kezinde emdeletin aýrý belgilerinen ajal qushýda.
Atap aıtqanda, osy kúnge deıin baı jáne kedeı elderdiń arasyndaǵy áıelder ólim-jitiminiń úlken alshaqtyǵy saqtalýda. Biraqta keıbir damyǵan elderde, mysaly, AQSh-ta áıelder ólim-jitimi semizdikten, balany kesh kóterý jáne qoldan uryqtandyrý ádisterin paıdalaný saldarynan sońǵy jyldary joǵarylap kele jatyr eken.
