DDSU: Bekon men sosıskalardy jeý obyrǵa ákelip soqtyrady
ASTANA. QazAqparat - Dúnıejúzilik densaýlyq saqtaý uıymy bekon, sosıskalar jáne óńdelgen ettiń ózge de túrlerin obyrǵa ákeletin azyq-túlikter tizimine kirgizbekshi. DDSU tıisti málimdemeni 26 qazanda jasamaqshy, dep jazady derekózderge silteme jasaǵan The Independent.
Qyzyl ettiń de kantserogendi azyq-túlikter tizimine kiretini kútilip otyr. Ulybrıtanııanyń densaýlyq saqtaý memlekettik qyzmetiniń saıtynda qyzyl nemese qaıta óńdelgen etti jeý ishek obyry dertiniń paıda bolý qaýpin ósiretini atap ótiledi.
«Etti kóp jeıtin adamdar úshin ony az jeıtinderge qaraǵanda ishek obyry dertine shaldyǵýdyń qaýpi úlken», - dep atap ótedi vedomstvodan.
Bul rette sıyr, shoshqa jáne qoı etiniń «paıdaly emdámniń bir bóligi bola alatyny» jáne qyzyl ettiń «quramynda aqýyzy mol, temir jáne tsınk sııaqty dárýmender jáne mıneraldarmen qamtamasyz etetini» joqqa shyǵarylyp otyrǵan joq.
