DDSU basshysy qazaqstandyq medıtsına mamandaryn kásibı merekemen quttyqtady

ASTANA. QazAqparat – Dúnıejúzilik densaýlyq saqtaý uıymynyń Bas dırektory Tedros Gebreıesýs Qazaqstannyń medıtsına qyzmetkerlerin kásibı merekemen quttyqtady, dep habarlaıdy QazAqparat tilshisi.

Vıdeoquttyqtaý QR Densaýlyq saqtaý mınıstrliginiń Telegram-arnasynda jarııalandy.

«Joǵary mártebeli mınıstr Ajar Ǵınııat, qymbatty áriptester men dostar! Búgin sizdermen birge ulttyq densaýlyq saqtaý qyzmetkerleriniń kúnin atap ótý men úshin úlken mártebe. DDSU atynan Abaı oblysynda órt sóndirý kezinde qaza tapqan 14 ormanshynyń qazasyna qaıǵyra kóńil aıtamyn. Densaýlyq saqtaý qyzmetkerleri de erjúrek ormanshylar sııaqty ár ýaqytta adam ómirin batyldyqpen qorǵaý úshin jıi táýekelge barady», - dedi ol.

DDSU basshysy medıtsına mamandarynyń alańsyz qyzmet atqarýyna jaǵdaı jasaý búkil adamzat mindeti ekenin eske saldy.

«Biz densaýlyq saqtaý qyzmetkerleriniń sapaly bilimi men kásibı daıyndyǵyn birge qamtamasyz etýimiz kerek. Qaýipsiz eńbek jaǵdaıy, laıyqty jalaqy, teń múmkindikter men olarǵa laıyqty qurmet tanytý qajet», - dedi Tedros Gebreıesýs.