DDSU: Álemde koronavırýstyń taralý qarqyny báseńdedi

NUR-SULTAN. QazAqparat –Dúnıejúzilik densaýlyq saqtaý uıymynyń (DDSU) málimetteri boıynsha, álemde (Taıaý Shyǵys memleketterinen basqa) koronavırýstyń taralý qarqyny báseńdegeni baıqalǵan.

Sondaı-aq, álemde COVID-19 jańa jaǵdaılarynyń sany 16% - 2,7 mıllıonǵa deıin tómendegen. ⠀

Ǵalymdardyń pikirinshe, qańtar aıynyń basynda vırýs juqtyrýshylar sany 5 mıllıonnan asqannan keıin, besinshi apta qatarynan indet qarqynynyń tómendegeni baıqalǵan. Sonymen qatar koronavırýstan qaıtys bolǵandar sany da azaıýda. ⠀

Amerıkandyq The New York Times basylymy álemde jáne AQSh-ta indet deńgeıiniń tómendeýiniń basty sebebi qazirgi kezde adamdardyń edáýir bóligi vırýsqa qarsy ımmýnıtetke ıe bolǵan dep esepteıdi.⠀

Atalǵan jaǵdaıǵa qaramastan, densaýlyq saqtaý salasynyń qyzmetkerleri álem halqyn qyraǵy bolýǵa shaqyrady – eshkim COVID-19-dyń turaqty tómendeýine kepildik bere almaıdy. Sonymen qatar, koronavırýspen aýyrǵan keıbir adamdar, indettiń jańa nusqalarynyń birin qaıta juqtyrý yqtımaldylyǵy bar.

Avtory: Asyljan Muhtar