DDSU: 170 elde koronavırýstyń delta-shtamy tirkeldi

NUR-SULTAN. QazAqparat – Koronavırýstyń delta-shtamy álemniń kem degende 170 eli men aýmaǵynda tirkeldi, dep habarlaıdy QazAqparat Dúnıejúzilik densaýlyq saqtaý uıymynyń (DDSU) saıtyna silteme jasap.

Álemde koronavırýsqa shaldyǵýdyń 216 mıllıonǵa jýyq oqıǵasy tirkelgen, al odan qaıtys bolý jaǵdaılarynyń sany – 4, 5 mıllıondaı.

Ótken aptada qaýipti vırýsqa shaldyǵý jańa oqıǵalarynyń eń kóp sany AQSh-ta tirkelgen (900 myńnan astam), bul elde aýrýǵa shaldyǵý kórsetkishiniń ótken aptamen salystyrǵanda 8 paıyzǵa óskenin kórsetip otyr. Úndistanda vırýs juqtyrý sanynyń ósimi – 17 paıyz. Ulybrıtanııada vırýsqa shaldyqqandar sany 8 paıyzǵa kóterilgen.

Apta ishinde búkil álem boıynsha koronavırýstan tirkelgen ólim jaǵdaılarynyń sany ótken aptadaǵydaı 67 myńnan asyp otyr.