DDS tizimindegi bazalyq dári-dármektiń 37,5%-y ózimizde óndiriledi - mınıstr

ASTANA. KAZINFORM – Qazaqstan Dúnıejúzilik densaýlyq saqtaý uıymynyń tizimindegi bazalyq dári-dármektiń 62 paıyzyn ózinde óndirmekshi. Densaýlyq saqtaý mınıstri Aqmaral Álnazarova Úkimet otyrysynda osyndaı josparyn bólisti.

«Elimizde dári-dármektiń jetkiliktiligin qamtamasyz etý úshin Dúnıejúzilik densaýlyq saqtaý uıymy usynǵan negizgi dárilik zattardyń tizimi jasalyp, 283 dárilik zat iriktep alyndy. Qazir osy tizimdegi 107 dárilik zat (37,5%) Qazaqstan aýmaǵynda óndiriledi. Aldaǵy ýaqytta qalǵan 178 dárilik zattyń (62,5%) óndirisin jolǵa qoıýǵa basymdy beriledi», - dedi ol.

Mınıstr aýyldardaǵy medıtsınalyq mekemeler otandyq buıymdarmen jabdyqtalyp jatqanyn atap ótti.

«Aýyldyq jerlerde densaýlyq saqtaýdy jańǵyrtý» Ulttyq jobasy sheńberinde medıtsına obektilerin jobalaý jáne salý kezinde mindetti túrde otandyq óndirýshilerdiń medıtsınalyq tehnıka ónimderi engizilip, jaraqtandyrý kórsetkishi 72% boldy», - dedi Aqmaral Álnazarova.