DAZN jetekshisi Golovkınniń qarsylastaryn resmı túrde atady

NUR-SULTAN. QazAqparat - Brıtandyq promoýter jáne DAZN jetekshisi Eddı Hırn orta salmaqta WBC, WBA Super jáne IBF tujyrymdary boıynsha álem chempıony Saýl Alvares úshin (52-1-2, 34 KO) bolýy múmkin jekpe-jekteri jaıly aıtty, dep habarlaıdy Sports.kz.

Hırn orta salmaqtaǵy WBO chempıony Demetrıýs Andradeni (27-0, 17 KO) jáne sýper orta salmaqtaǵy WBA Super belbeýiniń ıegeri Kallým Smıtti (25-0, 18 KO) atap ótti.

Eń negizgisi, promoýter jankúıerlerdiń qazaqstandyq boksshy Gennadıı Golovkınmen (38-1-1, 34 KO) aradaǵy trılogııany kóretindigine senimdi ekendigin jetkizdi.

- Mende «Kanelo» úshin eki nusqa bar - Andrade jáne Smıt. Sondaı-aq men onyń kezekti qarsylasy Golovkınniń bolatyndyǵyna senemin. Sonda biz «Kaneloǵa» álemniń absolıýtti chempıony tıtýly úshin aıqasýyn usynamyz, al sodan soń - Smıtpen. Bizdiń josparymyz osyndaı»,-dedi Hırn.