Daıverler kól túbine jańajyldyq shyrsha ornatty
QAZAN. QazAqparat - Qazan memlekettik medıtsına ýnıversıtetiniń «Bentos» súńgýirler klýbynyń daıverleri qala mańyndaǵy Kók kóldiń túbine jańajyldyq shyrshany túsirdi, dep habarlaıdy TASS agenttigi klýbtyń dırektory Andreı Torbınge silteme jasap.
«Shyrsha kóldiń túbine, 8 metr tereńdikke túsirildi. Sý túbinde klýbtyń 15 qatysýshysy shyrshany aınala «bılep», án shyrqady, sharap ishti», - deıdi ol.
Torbınniń aıtýynsha, kól túbine shyrsha túsirý dástúri 1979 jyldan beri ótkiziledi. Shyrsha sý túbinde eski Jańa jylǵa deıin turady.
Densaýlyǵyna qaýip bolmasa, kez kelgen adam sý túbine túsip, erekshe shyrshany kórýine bolady. Árıne, kól túbine túspek bolǵandar arnaýly nusqaýlyqpen tanysyp, ınstrýktorlardyń qadaǵalaýynda bolady.
