Daıverler eki kún boıy krokodılder arasynda júzdi
ASTANA. QazAqparat - AQSh pen Ulybrıtanııanyń eki týrısi Meksıka jaǵalaýynda eki kún boıy krokodıldermen birge júzip, olardy vıdeoǵa túsirgen.
Londondyq Endrıý Treıs pen Koloradodan Ýılıam Dramm (AQSh) ıÝkatan jarty aralynda daıvıngpen jáne sý asty túsirý jumystarymen aınalysqan.
Treıstiń aıtýynsha, eki kúnniń ishinde olar shamamen 12 krokodılmen kezdesken. Olardyń eń irisiniń uzyndyǵy 4 metrge jetken kórinedi.
Bulardyń janynda únemi jýasytýshy qatar júzip júrgen. Ol krokodılderdi adamdarǵa óte jaqyn kelgen jaǵdaıda ıterip jiberip otyrǵan.
Onyń sózine qaraǵanda, baýyrymen jorǵalaýshylarmen betpe-bet kezdesý kezinde qorqynyshty esh sezinbegen. Tipti keıde jaqyn júzgendikteri sonshama, krokodıldiń kózine úńilip qaraýdyń da sáti túsken.
