Davostaǵy forýmda Qazaqstannyń kólik haby men ınvestıtsııalyq múmkindikteri tanystyrylady
ASTANA. QazAqparat - QR Investıtsııalar jáne damý mınıstri (QR IDM) Jeńis Qasymbek Davosta ótip jatqan Dúnıejúzilik ekonomıkalyq forým barysynda Qazaqstannyń kólik haby men ınvestıtsııalyq múmkindikterin tanystyrady, dep habarlaıdy QazAqparat.
QR IDM basshysy forýmnyń «Tórtinshi ındýstrııalyq revolıýtsııaǵa daıyndyq» taqyrybyndaǵy paneldik sessııasyna qatysty. Bul jerde sondaı-aq Mark Benef, Bıll Geıts, Djek Ma, Bıll Makdermott, Chak Robbıns jáne ózge de álemdik tehnologııa salasynyń iri tulǵalary boı kórsetti. Sessııa qatysýshylary «tórtinshi ındýstrııalyq revolıýtsııaǵa qalaı ázirlený kerek, onyń qazirgi jumys oryndaryna jáne jalpy bazalyq kiriske qatysty áseri qandaı?» degen máselelerdi talqylady.
Jeńis Qasymbektiń Qazaqstanda óz jobalaryn júzege asyryp jatqan jáne aldaǵy ýaqytta josparlap otyrǵan ınvestıtsııa, ónerkásip, jer qoınaýyn paıdalaný, hımııa salasynda jumys isteıtin «Enerco Distribuzione», «Glencore», «FT CNBC Nightcap», Evonik AirSpan, Sun Group sııaqty birqatar sheteldik kompanııalar men ınvestıtsııa salasyndaǵy uıymdar basshylyǵy ókilderimen kezdesýi josparlanǵan.
Sondaı-aq, mınıstr perspektıvaly ınvestıtsııalyq jáne ınfraqurylymdyq jobalar boıynsha japonııanyń «JETRO» ınvestıtsııalyq agenttigimen, «Infraqurylymdyq ınvestıtsııalar Azııalyq banki» basshysymen jáne EQDB vıtse-prezıdenti Alen Pılýmen kelissózder ótkizedi.
Budan bólek, QR Investıtsııalar jáne damý mınıstri «Naryq kapıtalyn damytý úshin sheteldik ınvestıtsııalardy tartý» jáne «Jibek jolynyń tıimdiligi» taqyrybyndaǵy sessııalarǵa qatysady. Onda álemniń kóptegen elderine Qazaqstannyń kólik haby men ınvestıtsııalyq múmkindikterin tanystyrady.
«Otandyq kóshbasshylyq» uranymen ótip jatqan Davos forýmy bıyl da álemniń kóptegen joǵary laýazymdy tulǵalary qatysatyn alańǵa aınalyp otyr. Onyń ishinde Qazaqstanǵa kórshi elderdiń basshylary da bar. Máselen, QHR Tóraǵasy Sı Tszınpın, Ázerbaıjan Prezıdenti Ilham Álıev, Irannyń ónerkásip jáne kenishter mınıstri jáne taǵy basqalar.
