Davosta ótip jatqan ekonomıkalyq forým kezinde jarylys boldy
ASTANA. 27 qańtar. QazAqparat - Osy kúnderi Búkilálemdik ekonomıkalyq forým ótip jatqan Shveıtsarııanyń Davos qalasynda jarylys boldy.
Oqıǵa saldarynan eshkim zardap shekken joq, dep habarlaıdy Associated Press agenttigine silteme jasaǵan RBA agenttigi.
Jergilikti polıtsııanyń málimetinshe, jarylys forým ótkizilip jatqan orynnyń janyndaǵy Posthotel Morosani qonaqúıiniń qoımasynda boldy.
Jarylys saldarynan ǵımarattyń terezeleri synǵan, zardap shekkender men qaza tapqandar týraly aqparat kelip túsken joq.
Davostaǵy forýmda Reseı Federatsııasynyń Prezıdenti Dmıtrıı Medvedev sóz sóılegen bolatyn. Reseı basshysy Domodedovo áýejaıyndaǵy teraktini uıymdastyrýshylar óz maqsattaryna jete almaǵanyn aıtty. Forýmǵa Reseı Prezıdentin qatystyrmaý - lańkestik áreketti uıymdastyrýshylardyń qolynan kelmedi, dep málim etti ol.
