Davosta Búkilálemdik ekonomıkalyq forým ótedi
ASTANA. 21 qańtar. QazAqparat - Osy jylǵy 30 qańtar men 2 aqpan aralyǵynda Davosta (Shveıtsarııa) Búkilálemdik ekonomıkalyq forým ótedi dep habarlady www.cntv.ru saıty.
1971 jyly shveıtsarııalyq professor Klaýs Shvab úkimettik emes uıym retinde Búkilálemdik ekonomıkalyq forýmnyń negizin qalaǵan bolatyn. Ol qazir de forým qurylǵan kezden bastap onyń prezıdenti bolyp keledi.
Jyl saıyn kezdesýge saıası kóshbasshylar, bıznestiń jetekshi basshylary, kórnekti oıshyldar jáne jýrnalıster shaqyrylady. Onda ekonomıkadaǵy, qorshaǵan ortany qorǵaýda álemdik ótkir problemalar talqylanady. Ótken jylǵy forým eýroaımaqtaǵy daǵdarysty talqylaǵan bolatyn. Bıylǵy forýmnyń kún tártibine «Ornyqty serpin» taqyryby shyǵarylyp otyr.
