Davosta búgin Dúnıejúzilik ekonomıkalyq forým ashylady
ASTANA. QazAqparat - Dúnıejúzilik ekonomıkalyq forýmnyń jyl saıynǵy sessııasy 46-shy ret shveıtsarııalyq Davosta ótedi. 20-23 qańtar aralyǵynda tanymal taý-shańǵy shıpajaıy álemniń 140 elinen jınalatyn 2,5 myńǵa jýyq delegattardy qabyldaıdy.
Dástúr boıynsha, olardyń arasynda birneshe ondaǵan prezıdentter men úkimet basshylary, halyqaralyq uıymdardyń jetekshileri men tanymal qoǵamdyq qaıratkerler bolady.
Ótken jyly Davostyń taqyryby «Jańa jahandyq mánmátin» men oǵan jazylǵan on basty álemdik qaýip-qater bolǵan. Osy joly taqyryp odan naqtyraq belgilengen - bul «tórtinshi ónerkásiptik tóńkeris» pen onymen baılanysty múmkindikter men problemalar.
Uıymdastyrýshylar belgilegen basqa taqyryptardyń arasynda - jahandyq qaýipsizdik, klımattyń ózgerýi, energııalyq resýrstardyń baǵalary men «jańa resmılilik» (ekonomıkalyq ósimniń tómen qarqyndary dáýiriniń bastalýy) bar.
