Davos forýmynyń qaýipsizdik qyzmeti basshysynyń óli denesi tabyldy
ASTANA. Qańtardyń 27-si. QazAqparat - Seısenbi kúni qonaqúılerdiń biriniń nómirinde Davostaǵy (Shveıtsarııa) Dúnıejúzilik ekonomıkalyq forýmnyń qaýipsizdik qyzmetiniń basshysy Markýs Raınhardtyń óli denesi tabyldy,
dep habarlaıdy Vestı.rý basylymy.
Shveıtsarlyq «Tan» gazeti, Raınhardtyń negizgi jumysy aýmaǵynda Davos ornalasqan shveıtsarlyq Graýbıýnden kantonyndaǵy polıtsııa qyzmetine basshylyq etý bolǵanyn jazýda. Alǵashqy tekserý málimetteri onyń ózine qol jumsaǵanyn kórsetýde, dep habarlaıdy baspasóz quraldary. Marqumnyń otbasynyń ótinishi boıynsha tekserýdiń eshqandaı faktileri jarııa etilmeı otyr.
Búgin ashylatyn Davos forýmynyń qaýipsizdigin qamtamasyz etý mindetin Graýbıýnden polıtsııasy bas shtabynyń jetekshisi Marsel Sıýter moınyna aldy.
