Davıd Shırokoradov Kosovoda mýaı-taıdan álem chempıony atandy
ASTANA. KAZINFORM — Astanalyq sportshy Davıd Shırokoradov Kosovo Respýblıkasynyń Dechanı qalasynda ótken mýaı-taıdan álem chempıonatynda altyn medal jeńip aldy.
Astana áýejaıynda eresekter arasynda mýaı-taıdan álem chempıony atanǵan elordalyq sportshy Davıd Shırokoradovty ata-anasy, jaqyndary, dostary jáne sport salasynyń ókilderi kútip aldy.
Aıta keteıik, álem chempıonaty Kosovo Respýblıkasynyń Dechanı qalasynda ótti. Dúbirli dodaǵa álemniń 60 elinen 350-den astam sportshy qatysty.
Baıraqty básekede Astana qalasynyń sportshysy Davıd Shırokoradov 57 kelige deıingi salmaqta «A» (Elite) synybynda óner kórsetip, altyn medal jeńip aldy.
Chempıondyq jolda elordalyq sportshy Ázerbaıjan jáne Birikken Arab Ámirlikteriniń ókilderin jeńip, eresekter arasynda mýaı-taıdan álem chempıony atandy.
Davıd Shırokoradov — mýaı-taıdan Qazaqstan Respýblıkasynyń sport sheberligine úmitker. Sportshynyń jattyqtyrýshysy — Nurtaza Jumahanov.
Álem chempıonatynyń qorytyndysy boıynsha Qazaqstan quramasy «A» synybynda jalpykomandalyq esepte birinshi orynǵa ıe boldy.
Sondaı-aq vaı-krý, maı-mýaı jáne mýaı-taı tatamı baǵyttary boıynsha ulttyq qurama jalpykomandalyq esepte úshinshi oryn ıelendi.
Eske salaıyq, buǵan deıin Qazaqstan erkin kúresten Armenııadaǵy týrnırde segiz medal jeńip alǵanyn habarlaǵanbyz.
