Davıd Lorııa jańa qyzmetke taǵaıyndaldy

ASTANA. KAZINFORM - Qazaqstan fýtbol federatsııasynyń qurylymynda kadrlyq ózgerister boldy. Atqarýshy komıtettiń sheshimimen Davıd Lorııa bas hatshy qyzmetine taǵaıyndaldy. Bul týraly QFF baspasóz qyzmeti habarlady. 

Davıd Grıgorevıch – Qazaqstan ulttyq quramasynyń burynǵy oıynshysy, ÝEFA-nyń MIP baǵdarlamasynyń túlegi. 

Qazirgi tańda ol Astana qalalyq máslıhatynyń depýtaty, sondaı-aq eldiń áleýmettik ómirin damytýǵa qosqan úlesi úshin «Qurmet» ordeniniń ıegeri. 

Aıta keteıik, munyń aldynda bul laýazymdy Saıan Hamıtjanov atqarǵan. Ol jańa jumys ornyna aýysýyna baılanysty laýazymynan ketti. 

Eske sala keteıik, buǵan deıin fýtboldan Birinshi lıga oıyndary 9 sáýirde bastalatynyn habarlaǵan edik.