Davıd Lorııa Qazaqstan fýtbol federatsııasynyń vıtse-prezıdenti qyzmetine taǵaıyndaldy

ASTANA. KAZINFORM – Qazaqstan ulttyq quramasynyń burynǵy fýtbolshysy Davıd Lorııa Qazaqstan fýtbol federatsııasynyń vıtse-prezıdenti qyzmetin atqarady, dep habarlaıdy federatsııanyń baspasóz qyzmeti.

Davıd Lorııa – qazaq fýtboly tarıhyndaǵy erekshe tulǵalardyń biri. Fýtbolshy mansabynda «Jeńis», «Esil», «Shahter», «Halmstad» (Shvetsııa), «Spartak-Nalchık» (Reseı), «Astana», «Ertis», «Rızespor» (Túrkııa), «Qaırat», «Karshııaka» (Túrkııa), «Ordabasy» klýbtarynda oınady.

Qazaqstan ulttyq quramasynda 47 oıyn ótkizip, qaqpashylar arasynda rekord jasady.

1999 jyly Qazaqstan jastar quramasy sapynda Nıgerııada ótken álem chempıonatyna qatysty.

Mansabyn aıaqtaǵannan keıin «Astana» fýtbol klýbynda, Astana qalasynyń fýtbol federatsııasynda jáne «Super Bol» jobasynda basshylyq qyzmetter atqardy.

2019-2022 jyldary ÝEFA UEFA MIP – UEFA Executive Master for International Players magıstrlik baǵdarlamasy boıynsha sport menedjmenti salasynda bilim aldy.

Osyǵan deıin Marat Omarovtyń Qazaqstan fýtbol federatsııasynyń jańa prezıdenti bolyp taǵaıyndalǵanyn habarlaǵan edik.