Davıd Leme: «Úzdiktermen judyryqtasqym keledi, al Golovkın úzdik bolyp tabylady»
ASTANA. QazAqparat - WBA (Super) jáne WBC (Interim) nusqalary boıynsha ortasha salmaqtaǵy álem chempıony, 33 jastaǵy qazaqstandyq boksshy Gennadıı Golovkın kelesi aıqasyn 17 qazan kúni Nıý-Iork qalasynda ótkizedi. Onyń qarsylasy IBF nusqasy boıynsha bul salmaqtaǵy álem chempıony, 26 jastaǵy kanadalyq Davıd Leme bolmaq.
Kanada boksshysynyń aıtýynsha, ol Golovkınniń shabýyldaý stılinde bokstasatynyna qýanady.
«Men úzdiktermen judyryqtasqym keledi, al Golovkın úzdik bolyp tabylady. Qazirgi kezde ol bıikte tur. Ony soqqylaǵanda bar kúshimdi salamyn. Meniń de nokaýttarym, kúshim de mol. Golovkın - alǵa júretin jigit, sharshy alańda artynan júgirmeıtinimdi bilemin», - dedi Leme.
