Davıd Leme: Men Golovkınmen taǵy bir ret aıqasqym keledi
ASTANA. QazAqparat - Orta salmaqtaǵy álemniń eks-chempıony kanadalyq Davıd Leme 12 naýryzda Monrealda (Kanada) rıngke qaıta oralady.
Onyń qarsylasy 28 jastaǵy meksıkalyq Djeıms De La Rosa bolmaq. Bul Leme úshin ótken jyldyń qazan aıynda Gennadıı Golovkınnen jeńilgennen keıingi alǵashqy aıqasy, dep habarlaıdy Allboxing.ru.
Bıylǵy jyly Leme qazaqstandyq boksshydan qarymta qaıtarýǵa qulshynyp otyr.
«Negizinen alyp qaraǵanda, maǵan emes, menen góri Golovkınge aıqas qajet boldy»,-deıdi Leme. - Chempıon retinde men onymen judyryqtasqym keldi. Men eń myqtylarmen aıqasqym keldi. Endi eks-chempıon retinde báribir Golovkınmen jekpe-jekke shyqqym keledi. Men óz tıtýlymdy qaıtarǵym keledi. 2016 jyly men chempıon bolýdy josparlap otyrmyn».
