Davıd Leme «Golden Boy»-dyń qupııa josparyn ashyp berdi
ASTANA. QazAqparat - Kanadalyq boksshy Davıd Leme aldaǵy jekpe-jekte Bıllı Djo Sondersti jeńse, meksıkalyq Saýl Alvareske qarsy shyǵatynyn málimdedi.
Atalǵan jospar jaıynda «Golden Boy» promoýterlik kompanııasynyń basshysy Oskar De La Hoııanyń ózi aıtty, dep habarlaıdy QazAqparat tilshisi.
«Golovkınge qarsy revanshqa deıin «Kanelomen» sharshy alańda kezdese alamyn dep senemin. Negizi, ekeýimen de judyryqtasýǵa daıynmyn. Kim birinshi bolady, sonymen shyǵa beremin. Alaıda Oskar De La Hoııa WBO belbeýin jeńip alsam, «Kaneloǵa» qarsy jekpe-jekti uıymdastyryp beremin dep aıqan. Negizgi jospar osy-aý deımin», - dedi Leme SecondsOut saıtyna bergen suhbatynda.
Aıta keteıik, aldaǵy 16 jeltoqsan kúni Davıd Leme (38-3, 33 KO) brıtandyq Bıllı Djo Sonderspen (25-0, 12 KO) judyryqtasady. Buǵan deıin kásipqoı boksshylar men osy salanyń sarapshylary «Golden Boy»-dyń qupııa jospary jaıynda talaı ret aıtqan. Soǵan sáıkes, bul jekpe-jekte Davıd Leme jeńse, Oskar De La Hoııa 5-mamyrda ony Saýl «Kanelo» Alvarske qarsy op-ońaı shyǵara salady. Sebebi kanadalyq boksshy «Golden Boy» kompanııasymen jumys isteıdi. Al Golovkınge qarsy revansh qyrkúıekke deıin shegeriledi degen boljam bar .
