Daýysymdy berý úshin saılaýdy kún sanap kúttim – 77 jastaǵy ájeı

SEMEI. QazAqparat – Semeı qalasynda 77 jastaǵy áje saılaýda daýys berdi, dep habarlaıdy QazAqparat tilshisi.

Búgin saǵat 7.00-de Semeı aýmaǵynda 149 saılaý ýchaskesi óz esigin ashty. Ýchaskelik saılaý komıssııalarynyń tóraǵalary atap ótkendeı, qala turǵyndary tańerteń óz tańdaýyn jasaý úshin belsendi túrde kelýde.

Daýys berýshilerdiń aldyńǵy qatarynda qoǵam qaıratkerleri, óner jáne mádenıet salasynyń ókilderi, qalalyq máslıhat depýtattary jáne belsendi qala turǵyndary bar.

«Saılaýǵa óz daýysymdy berýge keldim. Halqymyz úshin, tynyshtyq úshin, urpaqtarymyzdyń amandyǵy úshin tańdaýymdy jasadym. Jer betinde eshqandaı soǵys bolmasyn, saılanǵan prezıdentimizdiń ár qadamy qutty bolyp, elimizge baqyt ákelsin! Kóńil-kúıim óte jaqsy. Óz daýysymdy berý úshin saılaýdyń bastalýyn kún sanap kúttim», - deıdi 77 jastaǵy Aıtjan Túkishqyzy.

Aıta keteıik, Semeıde 232 myńnan astam saılaýshy tirkelgen.