Daýys sanaý kezinde bos bıýlleten esepke alynbaıdy – Janna Asanova

ALMATY. QazAqparat - Almaty qalalyq referendým ótkizý jónindegi aýmaqtyq komıssııasynyń tóraǵasy Janna Asanova daýystyń qalaı esepteletinin túsindirdi, dep habarlaıdy QazAqparat tilshisi.

«Sanaý kezinde aldymen saılaýshylardyń ótinishi boıynsha úıge barǵan tasymaldanatyn jáshikter ashylady. Odan keıin referendým ýchaskelerindegi úlken jáshikter ashylady, onda bıýlletenderdiń sany anyqtalady. Biz bıýlletenderdi «ıá» jáne «joq» degen jazý boıynsha suryptaımyz. Eger saılaýshynyń qaısysyn tańdaǵany túsiniksiz bolsa, onda ol jaramsyz dep tanylady. Bul - úshinshi sanat. «Referendým týraly» zańda bir de bir nusqa tańdalmaǵan kezde qaralatyn tórtinshi sanat bar. Bul bıýlletender jaramdy dep sanalady, biraq ol daýys sanaý kezinde esepke alynbaıdy», - dedi aýmaqtyq referendým komıssııasynyń tóraǵasy.

Saǵat 18:00-degi jaǵdaı boıynsha Almaty qalasynda halyqtyń 29,82 paıyzy óz daýysyn berdi.

Aıta keteıik, Almatyda jalpy halyqtyq referendýmda daýys berý 574 ýchaskede júrip jatyr.

Megapolıste 1,1 mln astam adam daýys berýge quqyly.