Daýys berýge quqyǵy bar qazaqstandyqtardyń 55,2 paıyzy halyqtyq referendým ótkizýdi qoldaıdy - QR Ortalyq saılaý komıssııasy
ASTANA 24 qańtar. QazAqparat /Arman Asqarov/ - Búgingi tańda elimizde daýys berýge quqyǵy bar 9 mln. qazaqstandyq azamat bar.
Olardyń 55,2 paıyzy Elbasy Nursultan Nazarbaevtyń ókilettigin uzartýdy kózdeıtin halyqtyq referendýmdy qoldap otyr. Bul týraly búgin Elbasy N. Nazarbaevtyń QR Konstıtýtsııalyq keńesiniń talqylaýyna joldaǵan «QR Konstıtýtsııasyna ózgerister men tolyqtyrýlar engizý týraly» zańnyń konstıtýtsııaǵa sáıkestigin tekserýge arnalǵan otyrysta QR Ortalyq saılaý komıssııasynyń hatshysy Baqyt Meldeshov aıtty.
Komıssııa hatshysy atap kórsetkendeı, búgingi tańda halyqtyq referendýmdy ótkizýdi qoldap otyrǵan qazaqstandyqtardyń sany 5 mln. 16 myń adamdy qurap otyr. «Elimizde daýys berýge quqy bar azamattardyń sany 9 mln. ekendigin eskersek, búginde osy bastamany qoldap otyrǵan qazaqstandyqtardyń úlesi 55,2 paıyzǵa jetti»,-dep atap kórsetti B. Meldeshov.
