Daýys berý úshin ınvataksı qyzmet kórsetýde - Qyzylorda oblysy
QYZYLORDA. QazAqparat - Qazaly aýdanynda saılaý ýchaskeleri ornalasqan ǵımarattar standartqa sáıkes pandýstarmen tolyq joabdyqtalǵan, ári barlyǵy da birinshi qabatta ornalasqan.
Aýdan boıynsha múgedek arbamen júretin 73 múmkindigi shekteýli azamattardyń saılaý ýchaskelerine kelýine qolaıly jaǵdaı jasaý úshin ınvataksı qyzmeti jumys jasaýda. Bul týraly aýdandyq ákimdiktiń baspasóz qyzmeti habarlady.
Daýys berý quqyǵyna ıe múmkindigi shekteýli jandardyń saılaý barysynda daýys berýin qamtamasyz etý úshin jeke kómekshileri qyzmet kórsetýde.
Aýdanda 12 turǵyn ótinishteri boıynsha densaýlyǵyna baılanysty óz úılerinde daýys berdi.
