Daýys berý quqy bar azamattardyń saılaýǵa qatysýyn zańmen mindetteý kerek - M.Eleýsizov
ASTANA. 11 naýryz. QazAqparat /Marlan Jıembaı/ - Daýys berý quqy bar azamattardyń saılaýǵa qatysýyn zańmen mindetteý kerek.
Bul pikirdi búgin QazAqparat agenttiginiń baspasóz ortalyǵynda BAQ ókilderimen máslıhat ótkizgen QR prezıdenttigine kandıdat Mels Eleýsizov bildirdi.
Onyń paıymdaýynsha, azamattardyń quqyǵyn qorǵaıtyn ári demokratııanyń úlken biri joly bolyp sanalatyn saılaý qoǵam úshin óte qajet. Degenmen qazirgi ýaqytta kópshilik osy múmkinshilikti tolyq paıdalanyp otyrǵan joq. Sondyqtan saılaýǵa baryp, óz kózqarasyn bildirý árbir adamnyń azamattyq paryzy deýge de bolady.
Saılaý mártebesin kóterý úshin keıbir memleketterdiń zańǵa kez kelgen azamattyń saılaýǵa qatysýyn mindetteıtin bap engizgendigin basa aıtqan M.Eleýizov: «Menińshe bizde zańǵa dál osyndaı ózgertý engizýimiz qajet», - dedi.
Prezıdenttikke úmitkerdiń aıtýynsha, ákimderdi, jergilikti atqarýshy organdardy, sondaı-aq sotty da saılaý arqyly taǵaıyndaý kerek.
