Daýys berý - kez kelgen azamattyń quqyǵy ári el aldyndaǵy mindeti - M. Joldasbekov
ASTANA. 15 qańtar. QazAqparat /Arman Asqarov/ - Qazaqstandyqtar el bolashaǵyna beıtarap qaramaýy tıis. Búgin Astana qalasyndaǵy №3 saılaý ýchaskesinde daýys bergen Prezıdenttik mádenıet ortalyǵynyń dırektory,
qoǵam qaırtakeri Myrzataı Joldasbekov osylaı aıtty.
«Búgin - el tarıhynda asa bir eleýli kúnderdiń biri. Búgin biz Parlament Májilisiniń depýtattaryna, sondaı-aq máslıhat depýtattaryna daýys berip jatyrmyz. Bul - árbir azamattyń quqyǵy ǵana emes, el aldyndaǵy mindeti. Sondyqtan osyndaı quqyǵy men mindeti bar kez kelgen azamat beıtarap qalmaı, daýys berýi tıis. Sondyqtan men búgin kelip, óz qalaýymdy bildirdim. Bolashaq úshin daýys berdim», - deıdi M.Joldasbekov.
