Daýyldan zardap shekken Stepnorgorsk aýyldarynda TJ rejımi engizilýi múmkin
STEPNOGORSK. QazAqparat – Stepnorgorsk qalasynyń qatty daýyldan zardap shekken Izobılnyı jáne Bestóbe aýyldarynda TJ rejımi engizilýi múmkin, dep habarlaıdy QazAqparat tilshisi.
Stepnogorsk qalasy ákiminiń baspasóz qyzmeti qala ákimdiginiń kelisim kútip otyrǵanyn málimdedi.
«Qujattar Mınıstrlikte kelisilýde. Sol sebepti TJ resmı túrde áli jarııalanbady», - dedi Stepnogorsk qalasy ákiminiń keńesshisi Ulbolsyn Moldahmetova.
Daýyldy jeldiń saldarynan eki aýylda 38 úı men áleýmettik nysannyń shatyry qırap, olardyń altaýy qatty zaqymdanǵan. Odan bólek, Izobılnyı jáne Podhoz aýyldarynyń turǵyndary jeldiń transformatordy zaqymdaýy men elektr berý jelileriniń 40 tiregin qulatýy saldarynan elektr jaryǵysyz qalyp otyr.
TJ-nyń engizilýi adamdarǵa keltirilgen shyǵyndardy qaıtarýǵa kómektesetini atalyp ótildi.
«Eger TJ engizsek, zardap shekken turǵyndarǵa áleýmettik kómek kórsete alamyz. Olarǵa 40 AEK kóleminde kómek qarastyrylady», - dep qorytty U. Moldahmetova.
