Daýyldan zardap shekken 82 jastaǵy Óskemen turǵynynyń jaǵdaıy aýyr
ÓSKEMEN. QazAqparat - Birinshi qalalyq aýrýhanaǵa surapyl daýyldan zardap shekken 82 jastaǵy tyl eńbekkeri tústi. Qarııany qıraǵan shatyrdyń bólshegi jaraqattaǵan, - dep habarlaıdy «QazAqparat» HAA tilshisi.
Sherııazdan Isanovtyń nemeresi atasyna áleýmettik jeli arqyly kómek surap, óziniń ınstagramdaǵy paraqshasyna bylaı dep jazǵan:
«Meniń 82 jastaǵy atam, tyl eńbekkeri keshegi daýyldy jel kezinde ústine shatyr qulap, zardap shekti. Qazir Abaı kóshesiniń boıyndaǵy qalalyq aýrýhanada aýyr halde jatyr. Atama qan kerek, kómektesýlerińizdi suraımyn. Qoldaryńyzdan kelse, qan ortalyǵyna - Isanov Shernııazdyń atyna dep qan tapsyrsańyzdar».
Búgin birinshi qalalyq aýrýhananyń travmotologııalyq bólimshesi qarııanyń qabyrǵalarynyń birneshe jerden synǵandyǵyn málim etti.
Osy saǵatta aýrýhananyń medıtsınalyq kómegine júginip 7 adam kelip úlgerdi. Eki áıeldiń aıaǵy synǵan, medıtsıanalyq kómek kórsetilgennen keıin, úılerine qaıtaryldy. Taǵy bir jaraqat alǵan júkti áıel kelip tústi. Buǵan deıin habarlanǵandaı, «112» jáne «101» jelilerine Óskemen qalasy men qala mańyndaǵy aýdandardan shamamen 100 qońyraý shalynǵan.
