Daýyldan keıingi Іle Alataýy saıabaǵyn tazalaýǵa aýa raıy kedergi bolyp tur - E.Nysanbaev
ATY. 7 shilde. QazAqparat /Ádilet Musahaev/ - Aýa raıynyń qolaısyzdyǵyna qaramastan Іle Alataýy memlekettik ulttyq tabıǵı saıabaǵyn 17 mamyr kúni bolǵan daýyldyń saldaryn joıý jumystary júrip jatyr.
1372 tekshe metr aǵash daıarlanyp, 19 gektar aýmaq tazalandy. Bul jaıynda búgin QR Aýyl sharýashylyǵy mınıstrliginiń Orman jáne ań sharýashylyǵy komıtetiniń tóraǵasy Erlan Nysanbaev Almatyda arnaıy ótken baspasóz máslıhatynda aıtty.
«Jumys isteýge qolaıly jaǵdaı jasalǵanymen, tazartý jumystary nóser jańbyrdyń saldarynan baıaýlap qaldy. Bul jerde aýa raıynyń qalypqa kelgenine úsh kún bolǵany ózderińizge belgili», -dedi E.Nysanbaev.
Ormandy tazalaý isine jalpy sany 350 adam jumyldyrylǵan, onyń 80-i Іle Alataýy memlekettik ulttyq tabıǵı saıabaǵyn qalypqa keltirýde. 150-i aǵash daıyndaýshylar jáne 120 adam QR TJM-nyń qyzmetkerleri.Jumysshylardyń tehnıkalyq jabdyǵynda 70 motorly ara, 11 shynjyr tabandy traktor, 13 júk kóligi bar.
Sonymen qatar mınıstrlik qulaǵan aǵashtardy kádege asyrýda úlken jumystar atqaryp jatyr. Búginge deıin ár sharshy metri 25 myń teńgeden 130 tekshe metr aǵash kádege asqan. «BAQ ókilderin daýyldan qulaǵan aǵashtardy kádege asyrý máselesin keńinen jazýǵa shaqyramyz. Óıtkeni qazirge deıin 950 tekshe metr aǵash satylmaı qoımalarda jatyr», -deıdi Komıtet basshysy.
Jıyn barysynda ormandy qalypqa keltirý jumystaryna oraı 2012-2014 jyldarǵa 57,3 mıllıon teńge bólingendigi aıtyldy. Sondaı-aq ormandaǵy aǵashtardy tekserip shyǵý jumystary ótkizilgen jáne osy maqsatqa 72 mıllıon teńge bólinbek.
