Daýyldan atom elektr stansalaryna zaqym kelýi múmkin
ASTANA. QazAqparat - Japonııanyń ońtústigin jaıratqan «Vonfon» taıfýny endi soltústikke bet aldy, dep jazady 24.kz.
Bul týraly AQSh-tyń ǵarysh agenttigi túsirgen beınederekten belgili boldy. Onda joıqyn daýyldyń negizgi oshaǵy shuńqyr túrinde anyq beınelengen.
Sońǵy aqparatqa sáıkes, surapyl tabıǵı apattan 7 adam qaza taýyp, 35-i jaralanǵan. Taıfýnǵa baılanysty Okınava aralyndaǵy áýejaı jumysyn ýaqytsha toqtatyp, áýe reısteri keıinge shegerildi.
Soltústikke bet alǵan «Vonfon» Kıýsıý aralyn basyp ótedi. «Bul jaǵdaı araldaǵy eki birdeı atom elektr stansasynyń jumysyna qaýip tóndirýi múmkin», deıdi bılik ókilderi.
