Daýyl, jaýyn, burshaq – seısenbige arnalǵan aýa raıy
NUR-SULTAN. QazAqparat – «Qazgıdromet» RMK 23 shildege arnalǵan aýa raıy boljamyn usynady, dep habarlaıdy QazAqparat.
Atmosferalyq aýa aǵyndardyń ótýine baılanysty Qazaqstannyń basym bóliginde keı jerlerinde turaqsyz aýa raıymen naızaǵaı jáne jańbyr kútiledi. Soltústik oblystarynyń keı jerlerinde qatty jańbyr jaýady. Tek ońtústikte, ońtústik-shyǵysta jaýyn-shashynsyz aýa raıy boljanady. Respýblıkanyń keı jerlerinde tuman, daýyl kútiledi, jel kúsheıedi, burshaq jaýýy múmkin.
Aqmola, Soltústik Qazaqstan, Shyǵys Qazaqstan, Pavlodar, Qostanaı oblystarynyń keı jerlerinde daýyl, burshaq jaýyp, jel 15-20 m/s kúsheıedi, tuman túsedi.
Qaraǵandy oblysynyń keı jerlerinde túnde jáne tańerteń tuman túsip, kúndiz jeldiń jyldamdyǵy 18 m/s jetedi.
Mańǵystaý, túnde jáne tańerteń Jambyl, tańerteń jáne kúndiz Qyzylorda, kúndiz Batys Qazaqstan oblystarynyń keı jerlerinde jel 15-20 m/s jyldamdyqpen soǵady.
Kúndiz Almaty, Jambyl, Qyzylorda, keı jerlerinde Túrkistan, Mańǵystaý, Batys Qazaqstan, oblystarynyń qatty ystyq kútiledi.
Qyzylorda, Túrkistan, Aqtóbe, Jambyl, Almaty, keı jerlerde Qaraǵandy, Shyǵys Qazaqstan, Qostanaı oblystarynda óte joǵary órt qaýipi saqtalady.
