Daýyl saldarynan úsh óńirde 400-ge jýyq nysanǵa zaqym keldi
NUR-SULTAN. QazAqparat – Daýyldan keıin úsh oblystaǵy elektr jelisin qalpyna keltirý búgin keshke deıin aıaqtalady. Bul týraly QR Іshki ister mınıstriniń orynbasary ıÝrıı Ilın málim etti, dep habarlaıdy QazAqparat tilshisi.
«6-8 sáýir aralyǵynda Qostanaı, Soltústik Qazaqstan jáne Aqmola oblystary aýmaǵynda daýyldy jel boldy. Osynyń saldarynan elektr energııasymen qamtamasyz etý jelisiniń óshirilýi oryn aldy, túrli ǵımarattardyń shatyry qırady. Jalpy alǵanda, atalǵan kezeńde úsh óńirdiń aýmaǵyndaǵy 395 nysanǵa zaqym keldi, onyń ishinde Aqmola oblysynda - 210, Qostanaı oblysynda – 92, Soltústik Qazaqstan oblysynda - 93», - dedi ıÝ. Ilın Ortalyq kommýnıkatsııalar qyzmetinde.
Onyń sózine qaraǵanda, Qostanaı, Aqmola jáne Soltústik Qazaqstan oblystarynda daýyldyń keıin elektr jelisin qalpyna keltirý jumystary búgin aıaqtalady. Osy oraıda ıÝ. Ilın barlyq eldi mekender elektr energııasyna saǵat 18:00-ge qaraı tolyqtaı qosylatynyn naqtylady.
Budan buryn habarlanǵandaı, soltústik óńirlerde úzilgen elektr jelilerin qalpyna keltirýge 17 brıgada jumyldyryldy.
