Daýyl saldaryn tezdetip joıý qajet - V.Bojko
ATY. 3 maýsym. QazAqparat /Erbol Azanbek/ - 17 mamyr kúni Medeý shatqalynda bolǵan daýyl saldaryn joıý jumystarynyń baıaý júrgizilip jatqany alańdatady. Bul týraly búgin Almatyda arnaıy ótken keńes barysynda Tótenshe jaǵdaılar mınıstri Vladımır Bojko aıtty.
Onyń aıtýynsha qaıta qalpyna keltirý jumystaryn tez arada júrgizgen jón. «Birinshi kezekte tazalanýy kerek, aǵashtardy kesý, taratý degen kelesi másele»,- dedi ol. Mınıstr sondaı-aq órt qaýipsizdigine saqtyq sharalaryn kúsheıtýdi eskertti. «Qazirden bastap órttiń aldyn alý kerek. Ásirese adamnyń barýy qıyn jerlerdi qaraǵan jón. Qazir qyzyl aǵash pen qaraǵaı qurǵap turǵanda, órttiń shyǵýyna bótelkeniń synyǵy da jetkilikti. Bul rette bizdiń mınıstrlik te orman jáne ań sharýashylyǵy komıtetine kómektesetin bolady»,- dedi mınıstr.
Ol bul baǵytta oqıǵa bolǵan kúnnen bastap jumys istep jatqandaryn atap ótti. «Qazseldenqorǵaý» AQ-y men Orman jáne ań sharýashylyǵy komıtetine, tótenshe jaǵdaılar departamentine arnaıy tapsyrma berilgen. «Qazseldenqorǵaý» AQ-na órt pen seldiń aldyn-alý úshin qosymsha ushý saǵattary berildi. Bunymen qatar qysqa taman Almaty mańyndaǵy ózenderge selden qorǵaýshy qosymsha şıtterdi qoıýdy sheshemiz»,- dedi V.Bojko.
