Daýyl, naızaǵaı, burshaq: Bes óńirde aýa raıyna baılanysty eskertý jarııalandy
NUR-SULTAN. QazAqparat - Aýa raıynyń buzylýyna baılanysty Qazaqstannyń birqatar óńirinde eskertý jarııalandy, dep habarlaıdy QazAqparat «Qazgıdromet» RMK baspasóz qyzmetine silteme jasap.
27 maýsymda Túrkistan oblysynyń taýly aýdandarynda nóser jańbyr jaýady. Keı jerlerde jáne Túrkistan qalasynda naızaǵaı jarqyldap, daýyl soǵady. Soltústik-batystan jel soǵady, keı jerlerde jeldiń kúshi - 15-20, ekpini - 25 m/s jetedi.
Osy kúni Shymkent qalasynda keı ýaqytta kún kúrkirep, daýyl turady. Soltústik-batystan jel soǵady, ekpini - 15-20 m/s.
27 maýsymda Qyzylorda oblysynyń keı jerlerinde jáne Qyzylorda qalasynda naızaǵaı oınaıdy, shańdy daýyl soǵady. Soltústik-batystan soqqan jeldiń qarqyny keı jerlerde 25 m/s detsin kúsheıedi.
27 maýsymda Shyǵys Qazaqstan oblysynyń keı jerlerinde kún kúrkireıdi, daýyl turyp, burshaq jaýady. Ońtústik-shyǵystan soqqan jel ońtústik-batysqa aýysyp, keı jerlerde jel ekpini 23-28 m/s jetedi.
Óskemen jáne Semeı qalalarynda naızaǵaı jarqylap, burshaq jaýady. Ońtústik-shyǵystan soqqan jel ońtústik-batysqa aýysyp, ekpini 15-20 m/s bolady.
Osy kúni Petropavl qalasynda kún kúrkirep, daýyl soǵady. 27 maýsym táýlik boıy soltústik-shyǵystan jel soǵady. Jel jyldamdyǵy 15-20 m/s deıin kúsheıedi.
