Daýyl, burshaq, jańbyr: 16 qyrkúıek kúngi aýa raıy boljamy
NUR-SULTAN. QazAqparat – 16 qyrkúıek kúni Qazaqstannyń basym bóliginiń aýa raıyn Karsk aımaǵynan keletin tsıklon anyqtaıdy. Onymen naızaǵaı, jańbyr kútiledi. Soltústikte qatty jańbyr jaýady. 15-20 m/s deıin jel kúsheıip, daýyl, burshaq boljanady. Elimizdiń soltústik-batysynda keı jerlerde tuman kútiledi. Tek elimizdiń ońtústik-shyǵysynda, shyǵysynda jaýyn-shashynsyz aýa raıy saqtalady, dep habarlaıdy QazAqparat.
Atap aıtqanda, «Qazgıdromet» RMK málimetinshe, Soltústik Qazaqstan, Aqmola oblystarynda jeldiń kúshi 15-20 m/s, keı jerlerde 23-28 m/s artady. Soltústik Qazaqstan oblysynyń keı jerlerinde daýyl turyp, burshaq jaýýy yqtımal.
Pavlodar oblysynda, Qaraǵandy oblysynyń keı jerlerinde jeldiń kúshi 15-20 m/s, ekpini 25 m/s jetedi. Sondaı-aq daýyl, burshaq jaýýy múmkin.
Jambyl, Túrkistan oblystarynyń keı jerlerinde jel 15-20 m/s kúsheıedi, kúndiz ekpini 25 m/s artady. Túrkistan oblysynda shańdy daýyl turady.
Kúndiz Qyzylorda, Mańǵystaý, Atyraý oblystarynda shańdy daýyl turyp, 15-20 m/s ekpinmen jel soǵady.
Qostanaı oblysynyń keı jerlerinde tuman, daýyl, burshaq boljanady. Jeldiń kúshi 15-20 m/s kúsheıedi. Kúndiz ekpini 23 m/s artady.
Batys Qazaqstan oblysynda, kúndiz Aqtóbe oblysynda jeldiń kúshi 15-20 m/s jetedi.
Shyǵys Qazaqstan oblysynyń keı jerlerinde jel 15-20 m/s kúsheıedi, kúndiz ekpini 25 m/s.
Qyzylorda oblysynyń basym bóliginde, Qaraǵandy, Túrkistan, Jambyl oblystarynyń keı jerlerinde, Atyraý oblysynyń ońtústiginde, Almaty oblysynyń batysynda tótenshe órt qaýpi saqtalady.
