Daýyl, burshaq: 5 maýsym kúngi aýa raıy boljamy
NUR-SULTAN. QazAqparat – Atmosferalyq frontaldy bólikterdiń ótýine baılanysty 5 maýsymda Qazaqstan óńirlerinde qubylmaly kún raıy kútiledi. Keı jerlerde naızaǵaı oınap, jańbyr jaýady, jekelegen aýdandarda daýyl, burshaq boljanady. Elimizdiń tek ońtústigi men soltústigi áli de joǵary atmosferalyq qysym aımaǵynda bolǵandyqtan, aýa raıy jaýyn-shashynsyz bolady. Keıbir óńirlerde jel kúsheıip, shańdy daýyl turady, dep habarlaıdy QazAqparat.
Atap aıtqanda, «Qazgıdromet» RMK málimetinshe, Shyǵys Qazaqstan oblysynda jeldiń kúshi kúndiz 23-28 m/s artady. Daýyl turyp, burshaq jaýýy yqtımal.
Qyzylorda oblysynda jel 15-20 m/s kúsheıedi, keı jerlerde shańdy daýyl kútiledi.
Túrkistan, kúndiz Almaty, Mańǵystaý, Atyraý oblystarynyń keı jerlerinde jel 15-20 m/s kúsheıedi. Túrkistan oblysynda shańdy daýyl boljanady.
Jambyl oblysynyń keı jerlerinde jeldiń ekpini 15-20 m/s jetedi. Kúndiz daýyl, burshaq kútiledi.
Batys Qazaqstan oblysynyń keı jerlerinde jel 15-20 m/s kúsheıedi, burshaq jaýýy yqtımal.
Soltústik Qazaqstan, Pavlodar oblystarynyń jekelegen aýmaqtarynda túnde jáne tańerteń tuman bolady. Keı jerlerinde jel 15-20 m/s artady.
Qaraǵandy oblysynyń keı jerlerinde jel 15-20 m/s kúsheıedi, túnde burshaq jaýýy yqtımal.
Qostanaı oblysynyń keı jerlerinde jel 18 m/s kúsheıedi.
Qyzylorda, Mańǵystaý oblystarynyń ońtústiginde óte qatty ystyq bolady.
Qyzylorda oblysynda, Túrkistan, Jambyl, Aqmola, Pavlodar, Shyǵys Qazaqstan, Almaty oblystarynyń keı jerlerinde, Aqtóbe, Qaraǵandy oblystarynyń ońtústiginde óte joǵary órt qaýpi kútiledi.
