Dáýren Sábıtov QR Investıtsııalar jáne damý mınıstrliginiń Ádep jónindegi ýákili bolyp taǵaıyndaldy
Bul týraly óziniń Feısbýk áleýmettik jelisindegi jeke paraqshasynda QR Investıtsııalar jáne damý mınıstrliginiń Kadrlarmen jumys jónindegi departamentiniń dırektory Marat Iǵalı málim etti.
Aıta ketelik, Dáýren Sábıtov 1985 jyly 7 tamyzda Shyǵys Qazaqstan oblysynda týǵan.
2006 jyly T. Rysqulov atyndaǵy ekonomıkalyq ýnıversıtetti ekonomıst mamandyǵy boıynsha bitirgen.
2006 jyldan jeke kompanııalarda ekonomıst, logıstıka boıynsha bas maman jáne dırektordyń orynbasary qyzmetterin atqardy.
2010 jyldan bastap, QR Aqparattandyrý jáne baılanys agenttiginiń Analız jáne baqylaý basqarmasynyń sarapshysy, QR Baılanys jáne aqparat mınıstrliginiń Jıyntyq analız jáne halyqaralyq qatynastar departamentiniń halyqaralyq qatynastar jáne memlekettik til basqarmasynyń sarapshysy, QR Baılanys jáne aqparat mınıstrliginiń Strategııalyq josparlaý jáne halyqaralyq qatynastar departamentiniń Strategııalyq josparlaý jáne baqylaý basqarmasynyń sarapshysy, QR Kólik jáne kommýnıkatsııalar mınıstrliginiń Qurylymdyq bólimsheler qyzmetin baǵalaý basqarmasynyń bastyǵy qyzmetterin atqardy.
2013 jyly QR Kólik jáne kommýnıkatsııalar mınıstrliginiń Tranzıttik saıasat jáne kólik logıstıkasy departamentiniń dırektory bolyp taǵaıyndaldy.
Al, 2014 jyly qazan aıynda QR Investıtsııalyr jáne damý mınıstrliginiń Tranzıtti damytý jáne kólik logıstıkasy departamentiniń dırektory qyzmetine aýysty.
Buǵan deıin QR Investıtsııalar jáne damý mınıstrliginiń Ádep jónindegi ýákili Tımýr Serikuly Toqtabaev QR Investıtsııalar jáne damý mınıstrliginiń vıtse-mınıstri bolyp taǵaıyndaldy.
