Dáýren Orynbaev bılıard sportynyń "Erkin pıramıda" túrinen Azııa chempıonatynyń kúmis júldegeri atandy
ALMATY. 4 shilde. QazAqparat /Erlik Erjanuly/ - Almatyda 30 maýsym men 3 shilde aralyǵynda bılıard sportynyń "Erkin pıramıda" túrinen H Azııa chempıonaty ótti.
Dostyq sport kesheninde bolǵan dástúrli bul dodada bıyl aqtyq synda Andreı Freıze men Dáýren Orynbaev kezdesti. Bul oıynda 7:5 esebimen jeńiske jetken reseılik sportshy osymen ekinshi ret Azııa chempıony atanyp otyr. Buǵan deıin ol 2002, 2004 jyldary, 2003 jyly Evgenıı Stalev, 2005 jyly Qanybek Saǵyndyqov, 2006 jyly Kırıll Anışenko, 2007 jyly Vladımır Vaıntsvaıg, 2008 jyly Álıhan Qaraneev, 2009 jyly Evgenıı Kýrta jeńimpaz atanǵan edi.
Júlde qory 20 myń AQSh dollaryn quraıtyn bul baıraqty básekede Azııa chempıony - 5 myń, kúmis júldeger - 3 myń, qola júldeger atanǵan 2 sportshy 2 myń dollardan aldy. Al 5-8 oryn alǵandar - 900, 9-16 oryn alǵandarǵa - 550 dollardan úlestirildi. Byltyr 17-20 maýsymda Aqtaýda ótken IX Azııanyń ashyq chempıonatynda aqtyq synda «Erkin pıramıdadan» 2010 jylǵy Reseı chempıony Andreı Freıze, «Qurastyrmaly pıramıdadan» Qazaqstannyń 2010 jylǵy vıtse-chempıony Jamol Jumanııazovpen kezdesken edi. Onda Andreı 7:6 esebimen jeńiske jetken bolatyn.
