Dáýren Maqajanov «Aýyl sharýashylyǵyn qarjylaı qoldaý qory» AQ Dırektorlar Keńesiniń tóraǵasy bolyp taǵaıyndaldy
Dáýren Sábıtuly Maqajanov 1980 jylǵy 19 naýryzda Ońtústik Qazaqstan oblysynyń Kentaý qalasynda týǵan.
Soltústik Qazaqstan Memlekettik ýnıversıtetin, A.Myrzahmetov atyndaǵy Kókshetaý ýnıversıtetiniń magıstratýrasyn bitirdi. Ekonomıka ǵylymdarynyń kandıdaty.
Túrli jyldary Qazaqstan Respýblıkasynyń ekinshi deńgeıdegi bankterinde qyzmet atqardy: Petropavl qalasyndaǵy «Qazkommertsbank» AQ fılıalynda; Almaty qalasynda «ATF Bank» AQ; Astana qalasynda «Alıans Bank» AQ. 2012 jylǵa deıin «QazAgroQarjy» AQ Basqarma tóraǵasynyń orynbasary, «Agrarlyq nesıe korporatsııasy» AQ Basqarma tóraǵasy qyzmetterin atqardy. 2012 jylǵy qazannan bastap - «QazAgro» Ulttyq basqarýshy holdıngi Basqarma Tóraǵasynyń orynbasary qyzmetin atqarýda.
«Aýyl sharýashylyǵyn qarjylaı qoldaý qory» AQ - «QazAgro» Ulttyq basqarýshy holdıngi AQ quramyna kiretin kompanııa. Qordyń mıssııasy - tıimdi shaǵyn nesıelendirý júıesin damytý arqyly aýyldaǵy kásipkerlikti damytý jáne halyqtyń ál-aýqatyn jaqsartý.
