Dáýren Qosanov Qorǵanys mınıstriniń orynbasary qyzmetine taǵaıyndaldy
ASTANA. KAZINFORM - Aqorda Dáýren Qosanovtyń Qorǵanys mınıstriniń orynbasary qyzmetine taǵaıyndalǵanyn málimdedi.
«Memleket basshysynyń ókimimen Dáýren Jumataıuly Qosanov Qazaqstan Respýblıkasy Qorǵanys mınıstriniń orynbasary — Qarýly Kúshteri Áýe qorǵanysy kúshteriniń bas qolbasshysy bolyp taǵaıyndaldy, ol burynǵy atqarǵan laýazymynan bosatyldy», — dep jazylǵan qujatta.
Aıta keteıik, Dáýren Jumataıuly buǵan deıin Qazaqstan Respýblıkasy Qarýly Kúshteri Áýe qorǵanysy kúshteriniń bas qolbasshysy boldy.
1990 jyly Armavır joǵary áskerı avıatsııalyq ushqyshtar ýchılışesin, Áskerı-áýe akademııasyn bitirgen.
1969 jyly 14 qazanda Pavlodar oblysy, QazKSR, Krasnokýt aýdany, Novotroıtskoe aýylynda dúnıege kelgen.
Úsharal jaýyngerlik polkinde qyzmet etti.
Taldyqorǵandaǵy «Sý-27» eskadrılıasynyń komandıri boldy.
Qaraǵandy avıabazasy shtabynyń bastyǵy;
Shymkent avıabazasynyń komandıri;
Qazaqstan Respýblıkasy Qarýly Kúshteri Áýe qorǵanysy kúshteri Áskerı-áýe kúshteriniń qolbasshysy;
Aqtóbe qalasyndaǵy Áýe qorǵanysy kúshteri Áskerı ınstıtýtynyń dırektory qyzmetterin atqardy.
2022 jylǵy 29 jeltoqsanda Qazaqstan Respýblıkasy Prezıdentiniń buıryǵymen Qazaqstan Respýblıkasy Qarýly Kúshteriniń Áýe qorǵanysy kúshteriniń Bas qolbasshysy laýazymyna taǵaıyndaldy
«Áskerı ushqysh mergen». II dárejeli «Dańq» ordenimen, «Jaýyngerlik erigi úshin» medalimen jáne mereıtoılyq medaldarmen marapattalǵan.
