Dáýren Eleýsinov Túrkııadaǵy jekpe-jeginde jeńilip qaldy

Qazaqstandyq boksshy Dáýren Eleýsinov (11-2-1, 10 KO) Ystanbulda (Túrkııa) ótken boks keshinde óner kórsetti. Kazinform bul týraly Sports.kz portalyna silteme jasap habarlaıdy. 

Ol Tanzanııa boksshysy Pıýs Mpendamen (8-1, 4 KO) judyryqtasty. Birinshi orta salmaqtaǵy jekpe-jek on raýndqa sozylyp, tóreshilerdiń sheshimimen Mpendanyń jeńisimen aıaqtaldy.

Osylaısha, Pıýs Mpenda kásipqoı boks mansabynda toǵyzynshy jeńisine qol jetkizse, Dáýren Eleýsinov úshinshi ret jeńiliske ushyrady.

Eleýsinov úshin bul 2023 jyldaǵy ekinshi jekpe-jek boldy: 37 jastaǵy qazaqstandyq boksshy aldyńǵy kezdesýin naýryzda ótkizdi. Onda ózbek boksshysy Bahrom Paıazovty (22-22, 15 KO) ekinshi raýndta nokaýtqa túsirdi.

Aıta keteıik, Dáýren Eleýsinov ІVO tujyrymy boıynsha álem chempıony Danııar Eleýsinovtiń (11-0, 6 KO) inisi.