Dáýren Eleýsinovtiń WBC tıtýly úshin jekpe-jegi boks keshiniń ústinde toqtatyldy

NUR-SULTAN. QazAqparat – Búgin túnde qazaqstandyq boksshy Dáýren Eleýsinovtiń (8-0-1, 7 KO) Meksıkada jergilikti sportshy Hýan Karlos Raıgosamen (16-15-3, 6 KO) orta salmaqta WBC International beldigi úshin tıtýldyq jekpe-jegi ótýi tıis bolǵan, dep habarlaıdy QazAqparat Sports.kz-ke silteme jasap.

Dáýren Eleýsinov aıqastyń bolmaıtyny týraly boks keshiniń ústinde bilgen. Jergilikti bılik bul jekpe-jektiń ótkizilýine qarsy shyqty. Olardyń málimdeýinshe bul sheshim Dúnıejúzilik boks keńesi (WBC) sııaqty qurmetti uıymnyń abyroıyna nuqsan kelmeýi úshin qabyldanǵan. Olar jarys ótken Gvadalaharanyń COVID-19 koronavırýsyn juqtyrýdyń «qyzyl» aımaǵyna kiretinin eske saldy. Basqa jekpe-jekter josparlanǵan keste boıynsha ótkiziledi.

Eleýsinov pen Raıgosa arasyndaǵy tıtýldyq jekpe-jektiń endi bir aptadan keıin Meksıkanyń basqa qalasy – Mehıkoda ótedi dep kózdelip otyr.

Eske sala ketsek, WBC nusqasy boıynsha orta salmaq dárejesinde álem chempıony – Amerıka boksshysy Djermall Charlo (30-0, 22 KO). Sondaı-aq qazaqstandyq Gennadıı Golovkın de (40-1-1, 35 KO) bul dıvızıonda IBF jáne IBO eki beldigine ıe.